ಎಲ್ಲಿ ಕೂತಿರುವೆ ನನ್ನೊಡತಿ

ಎಲ್ಲಿ  ಕೂತಿರುವೆ 
ನನಗೆ  ಪ್ರೀತಿಯ  ಕಲಿಸಿ.
ಎಲ್ಲಿ  ನಗುತಿರುವೆ
ಸ್ನೇಹದ  ಗೆರೆ  ದಾಟಿ .

ನಗುವಾಗಲಿ  ಅಳುವಾಗಲಿ
ಕೈ  ಹಿಡಿದು  ನನ್ನ  ನಡೆಸಿದೆ  ಓ  ದೇವತೆ.
ಕನಸೆನ್ನುವುದು  ಏನೆಂದು
ತಿಳಿಗೊಡಿಸಿದ  ಆ  ತನ್ಮಯತೆ.

ಮಲೆನಾಡಿನ  ತಂಗಾಳಿಗೆ
ನೀ  ಸೆಳೆದಾಗ  ಬಂದ ಬಿಸಿ  ಗಾಳಿಯು,.
ಕಣ್ಮುಚ್ಚಿ   ನೆನೆದಾಗ
ಬಂದ  ಬಿಗಿದಪ್ಪುಗೆಯು.
'
ಮರವಂತೆಯ  ಅಲೆದಾಡುತ
ಸೂರ್ಯನ  ಚಂದ್ರನ  ಕಿರಣಕೆ
ಮೈ ಸೋಕಿದಾಗ  ತಂದ  ತಿಳಿ  ಆಸೆಗೆ
ಎಳೆನೀರಿನ  ತಿಳಿ  ಲೇಪವು.

ನೀ ಓಡಿಸಿದ  ಗಾಡಿಯ ವೇಗಕೆ
ಹೆದರಾದರೂ  ಹಿಡಿದ  ಬಿಗಿದಪ್ಪುಗೆಯ
ನೋಡಲೆಂದೇ  ಬಂದ  ನವೀಲಿನ 
ಬಣ್ಣದ  ನೋಟವು , ಸುಗ್ಗಿ ಸುಗ್ಗಿ ನೃತ್ಯವು

ಹಿಂದೆ ಹಿಂದೆ ಹೋದ ಸಾಲು ಮರಗಳು 
ಇಣುಕಿ  ಇಣುಕಿ  ನೋಡಲೆಂದು 
ಕನ್ನಡಿಯಲಿ  ಕಂಡ  ನಿನ್ನ ಮುಗುಳುನಗೆಯು
ಅದನ್ನು ಕಂಡು ಹಿಗ್ಗಿದ  ಅಂಕು ಡೊಂಕು ಮರಗಳು

ಜಲಪಾತದಲ್ಲಿ  ನಡೆದಾಡಿದ
ನಿನ್ನ ಆ  ಮೈಮಾಟವು
ರತಿಯನ್ನೆ ನಾಚಿಸಿದ್ದು . 
ಮನ್ಮಥನ  ರಂಜಿಸಿದ್ದು .

ಮೋಡದ  ಮರೆಯಲಿ
ಮಗುವನ್ನು  ಕುಣಿಸಲು 
ನೀ  ಮಾಡಿದ ನೃತ್ಯಕೆ
ವರುಣನೇ  ಮಳೆಗೆರೆದಿದ್ದು

ಎಲ್ಲಿ  ಕೂತಿರುವೆ
ನನ್ನ  ಪ್ರೀತಿಯ  ಓ  ಗೆಳತೀ
ನನ್ನ  ಹೃಯದ  ಪ್ರಣಯಕ್ಕೆ
ನೀ  ಒಡತಿ  .. ನನ್ನೊಡತಿ .