ಮತ್ತೊಮ್ಮೆ ಹುಟ್ಟಿ ಬಾ ನನ್ನೊಡೆಯ

I saw a cut out of Dr Rajkumar near Rajajinagar. In the top most corner one caption was there "Mattomme huttibaa". Seeing that I couldnot stop myself and I wrote this poem.A tribute to namma nimmellara annavru..

ಮತ್ತೊಮ್ಮೆ ಹುಟ್ಟಿ ಬಾ ನನ್ನೊಡೆಯ
ಕನ್ನಡದ ತಿಲಕವ ಮೇಲೆತ್ತಲು

ಕನ್ನಡದ ನಾಡಿನಲ್ಲಿ
ಕನ್ನಡದ ಕಂಪನ್ನು ಪಸರಿಸಲು ,
ಗಂಧದ ಗುಡಿಯ ಸಿರಿಯನ್ನು
ವಿಶ್ವದುದ್ದಕ್ಕೂ ಸಾರಲು ,
ಬಭ್ರುವಾಹನನ ರೂಪದಲ್ಲಿ
ಐತಿಹಾಸಿಕ ಪ್ರಜ್ಞೆ ಮೂಡಿಸಲು,
ಮತ್ತೊಮ್ಮೆ ಹುಟ್ಟಿ ಬಾ ನನ್ನೊಡೆಯ
ಕನ್ನಡದ ತಿಲಕವ ಮೇಲೆತ್ತಲು.

ಬಂಗಾರದ ಮನುಷ್ಯನು ನೀನು,
ಕನ್ನಡದ ಕಣ್ಮಣಿಯು ನೀನು ,
ಗುರು ರಾಘವೇಂದ್ರನ ಭಕ್ತನು ನೀನು,
ಕನ್ನಡ ಸಾಮ್ರಾಜ್ಯದ ವರ ನಟನು ನೀನು,
ಶಬ್ದವೇಧಿಯ ಬಾಣದಿ
ಕನ್ನಡ ಕುಲವ ಉದ್ಧರಿಸಲು ,
ಮತ್ತೊಮ್ಮೆ ಹುಟ್ಟಿ ಬಾ ನನ್ನೊಡೆಯ
ಕನ್ನಡದ ತಿಲಕವ ಮೇಲೆತ್ತಲು

ಕನ್ನಡವೇ ನಿನ್ನ ಧೈವ,
ಕನ್ನಡವೇ ನಿನ್ನುಸಿರು,
ಕನ್ನಡಮ್ಮನ ಮುದ್ದಿನ ಮಗ,
ಕನ್ನಡಿಗರ ಆರಾಧ್ಯ ಧೈವ ,
ಅಭಿಮಾನಿ ದೇವರುಗಳ ಕಣ್ಣೋರಿಸಲು,
ಗಾನ ಗಂಧರ್ವನ ರೂಪದಲ್ಲಿ
ಮತ್ತೊಮ್ಮೆ ಹುಟ್ಟಿ ಬಾ ನನ್ನೊಡೆಯ
ಕನ್ನಡದ ತಿಲಕವ ಮೇಲೆತ್ತಲು.