ಮರೆಯಾಗದಿರಲಿ ಅವನ ನೆನಪು

 ಏಕಾಂತದಲ್ಲೂ  ನಿನ್ನ  ಗುರುತಿದೆ, 

ಮರೆಯಾದರೂ  ನಿನ್ನ  ನೆನಪಿದೆ. 

ಉಸಿರಲ್ಲೂ  ಸೋಕಿರೋ  ಗಾಳಿಯಲ್ಲಿ 

ನಿನ್ನ  ಹೆಸರಿದೆ. 

ಹೇಗೆ  ಕಳುಹಿಸಲಿ  

ನನ್ನ  ಮನದಾಳದ  ಮಾತುಗಳನ್ನು,

ಎಲ್ಲಿ  ಕಳುಹಿಸಲಿ  

ನನ್ನ  ಪ್ರೇಮದ  ಸಂದೇಶವನ್ನು ?

ಕಾಣದ  ಊರಿಗೆ  ಹೋಗಿರೋ  ನಿನಗೆ, 

ಕರೆದು  ಹೋಗಿರೋ  ಯಮನಿಗೆ ,

ಮರಣದ  ತೇರಲಿ  ನನ್ನ 

ಎಳೆದು  ಹೋಗಲು  ಭಯವೇಕೆ  ?

ಧರ್ಮದ  ಹೆಸರಲಿ  ದ್ವೇಷವ  ಬಿತ್ತುವ 

ಕ್ರೂರಿಗಳಿಗೆ  ಹೇಗೆ  ಹೇಳಲಿ ?

ದಯೆಯೇ   ಧರ್ಮದ  ಮೂಲ,  

ಪ್ರೀತಿಯೇ  ಮನುಕೂಲದ  ಧ್ಯೇಯ .

ಬಂದೂಕುಗಳಿಗೆ  ಸೂತ್ರಧಾರರಾದ 

ನೆರೆಹೊರೆಯರಿಗೆ  ಹೇಗೆ  ಹೇಳಲಿ ?

ನಿಮ್ಮ  ಮೆನೆಗೆ  ಬೆಂಕಿ  

ನೀವೇ  ಹಾಕುವ  ತವಕವೇಕೆ  ?

ಮತ್ತದೇ  ಮೌನ  ,

ಮತ್ತದೇ  ಸಾವಿನ  ಛಾಯೆ, 

ನಿಮ್ಮ  ಕ್ರೂರತೆಗೆ  ಕನ್ನಡಿ ಹಿಡಿಯುವ 

ಸಮಯ  ಬಂದಾಗಿದೆ .

ಆದರೂ, ನನ್ನ  ಪ್ರೀತಿಯ  ಸಾವೇಕೆ?

ನನ್ನ  ಸಿಂಧೂರವನ್ನು ಅಳಿಸಿರುವುದೇಕೆ. 

ಕಣ್ಣೆರ  ಹನಿಯಲಿರುವ  ನೋವನು 

ಹೇಳಲಾದರೂ  ಯಾರ  ಬಳಿ? 

ಅಗಸದೆತ್ತರ  ನೋಡಲು 

ಅವನ  ಛಾಯೆ  ಕಾಣಿಸಲು 

ಬಿಗಿದಪ್ಪಿ  ಹಿಡಿಯಲು 

ಹಾರುವ  ಆಸೆ 

ಸರಿಯುತ್ತಿರುವ  ಮೋಡಗಳಿಗೆ 

ಸಾಲು  ಸಾಲು  ಕರೆಯುವ  ಆಸೆ. 

ನನ್ನ  ಇನಿಯನ  ಬಳಿ 

ಪ್ರೀತಿಯನು  ಸಾರುವ  ಆಸೆ ,

ಪ್ರತಿ ಜಿನುಗುವ ಹನಿಯಲ್ಲೂ

ಕಣ್ಣೀರನ್ನು ಒರೆಸುವ ಆಸೆ,

ಮರೆಯಾಗದಿರಲಿ  ಅವನ  ನೆನಪು  ಎಂದು 

ಸಾಲು  ಸಾಲು  ಗೀಚುವ  ಆಸೆ.

ಮೋಡದ  ಮರೆಯಲಿ  ನಿಂತು 

ಅವನು  ಇದನ್ನು  ಓದಲು 

ನನ್ನ  ಜೀವನದ  ದ್ಯೇಯವ 

ಪಾವನವಾಗಿಸುವ  ಆಸೆ .

ಮರೆಯಾಗದಿರಲಿ  ಅವನ  ನೆನಪು.

ಏಕಾಂತದಲ್ಲೂ ಅವನ ಗುರುತು.