ನಿನ್ನ ನೆನಪೊಂದಿದ್ದರೆ ಸಾಕು

ಕನಸೇ  ನೀನೇಕೆ  ಬರುವೆ
ನನ್ನ  ಎದೆಯಲಿ
ದೀಪದ  ಜ್ಯೋತಿಯ  ಬೆಳಗಿಸಿ
ನನ್ನನ್ನು  ಎಬ್ಬಿಸುತಿರುವೆ.

ಹಿಮದ  ರಾಶಿಯ
ತೀರದ  ಚಳಿಯಲ್ಲಿ
ನಿನ್ನ  ಅಪ್ಪುಗೆಯ
ಆ  ಒಂದು  ಕ್ಷಣ  ಸಾಕು.

ಸಮುದ್ರದ  ಅಲೆಯ
ಹಿಡಿಯಲೆತ್ನಿಸಿ
ಕುಣಿದಾಡುವ  ಆ   ಕಾಲುಗಳ
ಸದ್ದೊಂದಿದ್ದರೆ ಸಾಕು.

ಹಕ್ಕಿಗಳ  ನಾದಕ್ಕೆ
ಉಲ್ಲಸಿತಳಾಗಿ
ದ್ವನಿಗೂಡಿಸುವ ನಿನ್ನ
ಕಂಠ  ಒಂದಿದ್ದರೆ  ಸಾಕು.

ಹರಿಯುವ  ನದಿಯಲಿ
ಮೊಗವನ್ನೊಡ್ಡಿ
ನನ್ನ  ನಿನ್ನಲ್ಲಿಗೆ  ಕರೆಯುವ
ಬೆರಳ  ಸಂಜ್ಞೆಯೊಂದಿದ್ದರೆ  ಸಾಕು

ನನ್ನ  ಮನಸಿನಲಿ
ಏರಿಳಿತ  ಕಂಡರೂ
ನಿನ್ನ  ನೋಡಲು  ಕಾಡುವ
ಆ  ನಗುವೊಂದಿದ್ದರೆ  ಸಾಕು

ನೀನಿಲ್ಲದ  ಈ  ಕಲ್ಪನೆ
ನನ್ನ  ತುಳಿಯುತಿದೆ
ಆದರೂ  ನನ್ನ  ಕನಸಿಗೆ
ಬರುವ  ನಿನ್ನ  ನೆನಪೊಂದಿದ್ದರೆ  ಸಾಕು